ASSC Workers Voice (AWV) ကိုယ်ရေးကိုယ်တာမူဝါဒ

 

The Global Alliance for Sustainable Supply Chain  (နောင်တွင် "ASSC" ဟုဖော်ပြမည်။) သည် ASSC Workers Voice (နောင်တွင် "AWV" ဟုဖော်ပြမည်။) အား စတင်သုံးစွဲခြင်းစာချုပ် (နောင်တွင် "ဤစာချုပ်" ဟုဖော်ပြမည်။) ကို ချုပ်ဆိုသည့် ကော်ပိုရေးရှင်း၊အခြားအဖွဲ့အစည်းများ (နောက်တွင် "ကော်ပိုရေးရှင်းစသည်"ဟုဖော်ပြမည်။) နှင့်ကော်ပိုရေးရှင်းစသည်တို့မှ AWV ကို အသုံးပြုခွင့် ပြုထားသည့် အသုံးပြုသူ (နောင်တွင် "အသုံးပြုသူ" ဟု ဖော်ပြမည်။) ၏ ကိုယ်ရေးကိုယ်တာ အချက်အလက်များအား ကိုင်တွယ်ခြင်း နှင့်ပတ်သက်သည့် အောက်ပါမူဝါဒကို ချမှတ်ခဲ့သည်(နောင်တွင် "ဤမူဝါဒ" ဟုဖော်ပြမည်။)။

တစ်ဖန် ဤမူဝါဒတွင် အသုံးပြုသည့် ဝေါဟာရများ၏ အဓိပ္ပါယ်ဖွင့်ဆိုချက်များသည် ကိုယ်ရေးကိုယ်တာ အချက်အလက်ကာကွယ်ရေး အက်ဥပဒေ (နောက်တွင် "ကိုယ်ရေးကိုယ်တာအချက်အလက်ကာကွယ်ရေး ဥပဒေ" ဟုဖော်ပြမည်။) နှင့် ဆက်စပ်ဥပဒေများနှင့် အညီ ဖြစ်သည်။

                                  

1.   ဆက်စပ်ဥပဒေများ/လမ်းညွှန်ချက်များ စသည်တို့ကို လိုက်နာခြင်း

ASSC တွင် ကိုယ်ရေးကိုယ်တာအချက်အလက်ကာကွယ်ရေးဥပဒေနှင့် အခြားဆက်စပ်ဥပဒေများ၊ ကိုယ်ရေးကိုယ်တာအချက်အလက်များကာကွယ်ရေးကော်မရှင်မှဖွဲ့စည်းထားသည့်လမ်းညွှန်ချက်များ၊ EU အထွေထွေဒေတာကာကွယ်ရေးစည်းမျဉ်း(GDPR)၊ နိုင်ငံတစ်ခုစီ၏ကိုယ်ရေးကိုယ်တာ အချက်အလက်နှင့် အခြားသက်ဆိုင်သည့်ဆက်စပ်ဥပဒေများ နှင့် ဤမူဝါဒကို လိုက်နာပြီး ကိုယ်ရေးကိုယ်တာအချက်အလက် များကို ကိုက်ညီသည့်ဥပဒေဖြင့် လျော်ညီမှန်ကန်စွာ ကိုင်တွယ်မည်။

 

2.   ကိုယ်ရေးကိုယ်တာ အချက်အလက်များကို ရယူခြင်း

အသုံးပြုသူက AWV ကို အသုံးပြုသည့်အခါ အောက်ပါ ကိုယ်ရေးကိုယ်တာအချက်အလက်များကို တင်ပြရန် ASSC မှတောင်းဆိုခြင်းရှိသည်။ ASSC သည် အသုံးပြုသူမှ ASSC ထံတင်ပြသည့် ကိုယ်ရေး ကိုယ်တာ အချက်အလက်များကို ASSC မှ လုပ်ဆောင်သည့်လုပ်ငန်းနယ်ပယ်နှင့် ဤမူဝါဒတွင် ဖော်ပြထား သည့် အသုံးပြုခြင်းရည်ရွယ်ချက်၏ ဘောင်အတွင်းတွင် ကိုက်ညီသည့်ဥပဒေဖြင့် လျော်ညီမှန်ကန်သည့် နည်းလမ်းများဖြင့် ရယူခြင်း၊ မှတ်တမ်းတင်ခြင်း၊ သိမ်းဆည်းခြင်း သို့မဟုတ် ခွဲခြမ်းစိတ်ဖြာခြင်းတို့ ပြုလုပ်မည်ဖြစ်သည်။

(1)   အသုံးပြုသူများထံမှ တိုက်ရိုက်ရယူမည့်အချက်အလက်

・အသက်၊ မွေးသက္ကရာဇ်

・နာမည်အပြည့်အစုံ

・အီးမေးလ်လိပ်စာ

・SNS အကောင့်အချက်အလက်

・တယ်လီဖုန်းနံပါတ်

・ASSCမှASSC၏ဝက်ဘ်ဆိုဒ်ရှိ ဆွေးနွေးတိုင်ပင်မှုဖောင်မှ ရယူရန်ဆုံးဖြတ်ထားသည့်အချက်အလက်

・ASSC မှ သတ်မှတ်ထားသည့် အသုံးပြုသူများနှင့် ပတ်သက်သည့် အခြားအချက်အလက်များ

(2)   စက်ပစ္စည်းအချက်အလက်

・အသုံးပြုသူ၏စက်ပစ္စည်း သို့မဟုတ် စမတ်ဖုန်းတွင် AWV ကိုအသုံးပြုသည့်အခါတွင် ကိရိယာ ခွဲခြားခြင်း၊ စမတ်ဖုန်းခွဲခြားခြင်း နှင့် IP လိပ်စာ

・အသုံးပြု၏ စက်ပစ္စည်းနှင့် ဆက်စပ်နေသည့်အမည်၊ စက်အမျိုးအစား၊ ဖုန်းနံပါတ်၊ နိုင်ငံနှင့် အသုံးပြုသူအမည် သို့မဟုတ် အီးမေးလ်လိပ်စာစသည့် အသုံးပြုသူက တင်ပြရန် ရွေးချယ်ထားသည့် အခြားအချက်အလက်

(3)   တည်နေရာအချက်အလက်

・အသုံးပြုသူသည် စက်ပစ္စည်းသို့မဟုတ် စမတ်ဖုန်းပေါ်တွင် AWV ကိုအသုံးပြုပြီး ထိုအခါတွင် တည်နေရာအချက်အလက်ကို တင်ပြရန် သဘောတူပါက အသုံးပြုသူ၏ လက်ရှိတည်နေရာ နှင့်ပတ်သက်သည့် အချက်အလက်

(4)   အသုံးပြုသူ၏လုပ်ဆောင်ချက်များနှင့် ပတ်သက်သည့် အချက်အလက်

・အသုံးပြုသူသည် AWV ကိုအသုံးပြုသည့်အခါ ASSC သို့တိုက်ရိုက်တင်ပြထားသည့် အချက်အလက်

・AWV ကို ပံ့ပိုးသည့် ပြင်ပအဖွဲ့အစည်း (နောက်တွင် "ဝန်ဆောင်မှုပေးသူ" ဟု ဖော်ပြမည်။) မှတစ်ဆင့် ပံ့ပိုးသည့် အချက်အလက်

・အသုံးပြုသူ၏ AWV အသုံးပြုမှုအခြေအနေနှင့် အခြားအသုံးပြုသူများ နှင့် အပြန်အလှန်

ဆက်သွယ်မှုဆိုင်ရာ အချက်အလက်

(5)   ဆက်သွယ်ရေးသတင်းအချက်အလက်

・အသုံးပြုသူမှ AWV ပေါ်တွင် အခြားအသုံးပြုသူများနှင့် ဆက်သွယ်ထားသည့် အချက်အလက်များ (စာသား၊အသုံးပြုသူပရိုဖိုင်များ၊မက်ဆေ့ချ်များ၊ဓာတ်ပုံများ၊ရုပ်ပုံများ၊အသံ၊ဗီဒီယို၊Application နှင့် အခြားအချက်အလက်များ အပါအဝင်) ကို မျှဝေပြီး အချို့လုပ်ဆောင်မှုများတွင် ပါဝင်ခဲ့သည့် ဆက်သွယ်မှုဆိုင်ရာ သတင်းအချက်အလက် မှတ်တမ်းများ

(6)   ကွတ်ကီးများကို အသုံးပြု၍ ရရှိသည့် အချက်အလက်

・AWV ကို ဝင်ရောက်သည့် အခါတွင် အောက်ပါ အချို့သောနည်းပညာအချက်အလက်

・ASSC နှင့် ASSC ကိုယ်စားဝန်ဆောင်မှုပေးသူများမှ Logfileနှင့် ခြေခံရာခြင်းနည်းပညာကို အသုံးပြု သည့်ကွတ်ကီးများ၊ IP လိပ်စာ၊ စက်ပစ္စည်းအမျိုးအစား၊ မိုဘိုင်းစက်ပစ္စည်း အမျိုးအစားခွဲခြားခြင်း၊ Browserအမျိုးအစား၊ Browser၏ဘာသာစကား၊ ကိုးကားpageနှင့် ထွက်သည့်pageများ၊ platform အမျိုးအစား၊ clickအကြိမ်ရေ၊ Domainအမည်၊Landing page၊ Pageကြည့်ရှုမှုအရေအတွက်နှင့် Pageကြည့်ရှုမှုအစီအစဉ်၊ Pageတစ်ခုစီ၏ URL၊ Pageတစ်ခုစီကို ကြည့်ရှုသည့်ကြာချိန် သို့မဟုတ် ဝက်ဘ်ဆိုဒ်အခြေအနေနှင့်ဝက်ဘ်ဆိုဒ်လှုပ်ရှားမှု၏ ရက်စွဲအချိန် နှင့် အခြားအချက်အလက်များ (အဖွဲ့အစည်းအတွင်းတွင် အသုံးပြုမည့် ရည်ရွယ်ချက်ဖြစ်ပြီး ဤအချက်အလက်ကို အသုံးပြုသူနှင့် ဆက်စပ်သည့်အခါလည်း ရှိနိုင်ပါသည်။ ထို့အပြင် အချို့Pageကို ကြည့်ရှုခြင်းရှိမရှိ၊ သို့မဟုတ် အီးမေးလ်အား ဖွင့်ခြင်းရှိမရှိကို အတည်ပြုသည့် Web beacon သို့မဟုတ် ဝက်ဘ်ဆိုဒ်တွင် အသုံးပြုသူထံ ကြော်ငြာတင်ပြခြင်းဖြင့် ပိုမိုထိရောက်သည့် ကြော်ငြာကို တင်ဆက်နိုင်မည့် ခြေရာခံ pixels အပါအဝင် အခြားသောနည်းပညာများကို အသုံးပြုသည့်အခါလည်းရှိပါသည်။)

(7)   ပြင်ပဝန်ဆောင်မှုများနှင့် ပူးပေါင်းဆောင်ရွက်ခြင်းဖြင့် ရရှိသည့်အချက်အလက်

・ပြင်ပဝန်ဆောင်မှု၏ privacy setting မှ အသုံးပြုသူက မိတ်ဖက်ကုမ္ပဏီထံ ထုတ်ဖော်ရန် ခွင့်ပြုထားသည့် အချက်အလက်

 

3.   ကိုယ်ရေးကိုယ်တာ အချက်အလက်များကို အသုံးပြုရခြင်း၏ ရည်ရွယ်ချက်

အသုံးပြုသူမှ ASSC ထံ တင်ပြထားသည့် ကိုယ်ရေးကိုယ်တာအချက်အလက်များအား AWV ၏ပံ့ပိုးခြင်း၊ အခြားသော အောက်ပါ အသုံးပြုခြင်းရည်ရွယ်ချက်အတွင်း သို့မဟုတ် ထိုရယူသည့် အခြေအနေမှ ပွင့်လင်းမြင်သာမှုရှိသည့် အသုံးပြုခြင်းရည်ရွယ်ချက်အတွင်းတွင်သာ ASSC မှ အသုံးပြုမည်ဖြစ်သည်။ အသုံးပြုသူထံမှ သဘောတူညီထားသည့်အခါ၊ အခြားသော အသုံးပြုခြင်းစည်းမျဥ်းများဖြင့် သတ်မှတ် ထားသည့်အခါ သို့မဟုတ် ဥပဒေဖြင့် သတ်မှတ်ထားသည့်အခါမှ လွဲ၍ အသုံးပြုခြင်းရည်ရွယ်ချက်ကို ကျော်လွန်ပြီး အသုံးပြုမည်မဟုတ်ချေ။

(1)    စက်ရုံများ၊ စတိုးဆိုင်များ၊ ရုံးခန်းများနှင့် အခြားနေရာများတွင် အလုပ်လုပ်သည့် အသုံးပြုသူများနှင့် ပတ်သက်သည့် ကိုယ်ရေးကိုယ်တာအချက်အလက်များ၏ အသုံးပြုခြင်းရည်ရွယ်ချက်

・လုပ်ငန်းခွင်၏လုပ်ငန်းပတ်ဝန်းကျင်ကို စုံစမ်းစစ်ဆေးခြင်း/ သုတေသနပြုခြင်း/ ခွဲခြမ်းစိတ်ဖြာခြင်း

・လုပ်ငန်းခွင်တွင်လုပ်ငန်းပတ်ဝန်းကျင်ဆိုင်ရာ အချက်အလက်များကို စုဆောင်းခြင်း

・လုပ်ငန်းခွင်တွင် လုံခြုံမှုရှိစေရန်

・အချက်အလက်ခွဲခြမ်းစိတ်ဖြာမှုရလဒ်များကို တင်ပြခြင်း

・ဝန်ထမ်း၏ အပြုအမူဆိုင်ရာ အကြံပြုခြင်း

・အသုံးပြုသူများနှင့် သင့်လျော်ပြီး အဆင်ပြေချောမွေ့သည့် ဆက်သွယ်ခြင်း

・မဂ္ဂဇင်းများနှင့် ဝက်ဘ်ဆိုဒ်များကဲ့သို့သော ကြော်ငြာမီဒီယာများတွင် ပံ့ပိုးကူညီခြင်း

(2)    အသုံးပြုသူ၏အလုပ်လုပ်ကိုင်နေသည့် အဖွဲ့အစည်းများ၊ ၎င်းတို့၏စီးပွားရေး လုပ်ဖော်ကိုင်ဖက်များ (နောက်တွင် "စီးပွားရေးလုပ်ဖော်ကိုင်ဖက်များ" ဟုဖော်ပြမည်။) နှင့် အလားတူစက်မှုလုပ်ငန်းရှိ အခြား ကုမ္ပဏီများနှင့်ပတ်သက်သည့်ကိုယ်ရေးကိုယ်တာအချက်အလက်များ၏ အသုံးပြုခြင်းရည်ရွယ်ချက်

・အသုံးပြုသူ၏လုပ်ငန်းခွင်ရှိလုပ်ငန်းပတ်ဝန်းကျင်ကို စုံစမ်းစစ်ဆေးခြင်း/ သုတေသနပြုခြင်း/ ခွဲခြမ်း စိတ်ဖြာခြင်း။

・အသုံးပြုသူ၏ အလုပ်ခွင်ရှိ အလုပ်ပတ်ဝန်းကျင်ဆိုင်ရာ အချက်အလက်များကို စုဆောင်းခြင်း

・အသုံးပြုသူများ၏ လုပ်ငန်းခွင်တွင် လုံခြုံမှုရှိစေရန်

・အချက်အလက်ခွဲခြမ်းစိတ်ဖြာမှုရလဒ်များကို တင်ပြခြင်း

・စီးပွားရေးလုပ်ဖော်ကိုင်ဖက်များ နှင့်ပတ်သက်သည့် အကြံပြုခြင်း

・အစိုးရရုံးများ/ ဆက်စပ်အဖွဲ့အစည်းများထံ အကြောင်းကြားခြင်းနှင့် အစီရင်ခံခြင်း

・သင့်လျော်ပြီး အဆင်ပြေချောမွေ့သည့် ဆက်သွယ်ခြင်း

・မဂ္ဂဇင်းများနှင့် ဝက်ဘ်ဆိုဒ်များကဲ့သို့သော ကြော်ငြာမီဒီယာများတွင် ပံ့ပိုးကူညီခြင်း

(3)    မှတ်ပုံတင်အချက်အလက်နှင့် ကိုယ်ရေးကိုယ်တာ အချက်အလက်များ (နောက်တွင် "မှတ်ပုံတင် အချက်အလက်စသည်ဖြင့်" ဟုဖော်ပြမည်။) နှင့်စပ်လျဥ်းသည့် အသုံးပြုခြင်းရည်ရွယ်ချက်

・AWV ၏ စီမံခန့်ခွဲမှု (ASSC မှ ကော်ပိုရေးရှင်းစသည် သို့မဟုတ် အသုံပြုသူများထံသို့ အလုံးစုံသော သတင်း အချက်အလက် တင်ပြခြင်းအပါအဝင်ဖြစ်သည်။)

・ASSC သည် ကော်ပိုရေးရှင်းစသည် သို့မဟုတ် အသုံးပြုသူများ အတွက် အကျိုးပြုသည်ဟု ဆုံးဖြတ် သည့် AWV အပါအဝင် ASSC ၏ဝန်ဆောင်မှုများ သို့မဟုတ် ကြော်ငြာရှင်များနှင့် မိတ်ဖက် ကုမ္ပဏီ၏ ထုတ်ကုန်များ၊ဝန်ဆောင်မှုများနှင့် ဆက်စပ်သည့် သတင်းအချက်အလက်များကို တင်ပြခြင်း

・AWV ၏ အရည်အသွေးထိန်းချုပ်မှုအတွက် မေးခွန်းလွှာစစ်တမ်းနှင့်ရလဒ်များကို ခွဲခြမ်းစိတ်ဖြာခြင်း

・AWV လည်ပတ်မှုများကို သိသာထင်ရှားစွာ အကျိုးသက်ရောက်စေသည့် ကိစ္စရပ်များ (AWV အကြောင်းအရာ၏သိသာထင်ရှားစွာ ပြောင်းလဲခြင်းနှင့်ယာယီဆိုင်းငံ့ခြင်းဆိုင်ရာ အပါအဝင်သာမက) နှင့်ပတ်သက်၍ အသုံးပြုသူများအား ဆက်သွယ်ခြင်း

・မှတ်ပုံတင်ထားသည့် အချက်အလက်များကို ကိုင်တွယ်ခြင်းနှင့် ပတ်သက်၍ အသုံးပြုသူများထံ သဘောတူညီချက်ကို တောင်းခံရန် ဆက်သွယ်ခြင်း

 

4.   အပ်နှင်းခြင်း

ASSC သည် ကိုယ်ရေးကိုယ်တာ အချက်အလက်အချို့ သို့မဟုတ် အားလုံး၏ကိုင်တွယ်ခြင်းအား ပြင်ပအဖွဲ့အစည်းထံ အပ်နှင်းသည့်အခါ ရှိသည်။ သို့သော် အပ်နှင်းသည့် ကိုယ်ရေးကိုယ်တာဒေတာသည် အပ်နှင်းထားသည့် လုပ်ငန်းဆောင်ရွက်ရန်အတွက် လိုအပ်သည့် အချက်အလက် အနည်းဆုံး ပမာဏအထိ သာဖြစ်သည်။ တစ်ဖန် နိုင်ငံခြား ပြင်ပကန်ထရိုက်တာများထံ ကိုယ်ရေးကိုယ်တာ အချက်အလက်ကို အပ်နှင်းခြင်း သို့မဟုတ် တင်ပြသည့်အခါ ရှိသည်။

 

5.   ပြင်ပအဖွဲ့အစည်းမှ ပံ့ပိုးခြင်း

ASSC သည် အသုံးပြုသူ၏ ကြိုတင်ခွင့်ပြုချက်ရှိသည့်အခါ၊တည်ဆဲဥပဒေများဖြင့် ခွင့်ပြုထားသည့် အခါ၊ဆီလျော်သည့်အခြားဥပဒေများအရ အသုံးပြုသူထံမှ သဘောတူညီချက်ရယူရန် မလိုအပ်သည့် အခါမှလွဲ၍ ကိုယ်ရေးကိုယ်တာအချက်အလက်များကို ပြင်ပအဖွဲ့အစည်း (ကန်ထရိုက်တာများမှလွဲ၍) ထံတင်ပြမည်မဟုတ်ပါ။သို့ရာတွင် ကော်ပိုရေးရှင်းစသည်နှင့် အသုံးပြုသူသည် မှတ်ပုံတင်ထားသည့် အချက်အလက် စသည်တို့ကို အောက်ပါကိစ္စများတွင် ASSC သည် ကာယကံရှင်မဟုတ်သည့် ပြင်ပထံ ထုတ်ဖော်နိုင်သည်ကို သဘောတူသည်ဟု မှတ်ယူသည်။

(1)     AWV သို့မဟုတ်၄င်းနှင့်ဆက်စပ်ဝန်ဆောင်မှုများ ပိုမိုကောင်းမွန်စေရန် သို့မဟုတ် ဆက်စပ်စီးပွားရေး လုပ်ငန်းများ ဖွံ့ဖြိုးတိုးတက်စေရန် ရည်ရွယ်ချက်အတွက် မှတ်ပုံတင်အချက်အလက်ကို စုစည်းခြင်း နှင့် ခွဲခြမ်းစိတ်ဖြာခြင်းလုပ်ဆောင်သည့်အခါ

(2)     အရှေ့အပိုဒ်ပါ စုစည်းခြင်း နှင့် ခွဲခြမ်းစိတ်ဖြာခြင်း မှတစ်ဆင့် ရရှိသည့်အချက်အလက်များကို လူတစ်ဦးချင်းစီအား ခွဲခြားသတ်မှတ်နိုင်သည့် သို့မဟုတ် ဖော်ထုတ်ခြင်းမရှိသည့် အနေအထားဖြင့် ပြင်ပအဖွဲ့အစည်းအား ထုတ်ဖော် သို့မဟုတ် တင်ပြသည့်အခါ

(3)     မှတ်ပုံတင်အချက်အလက်အား ထုတ်ဖော်ခြင်း နှင့် အသုံးပြုရာတွင် သက်ဆိုင်သည့် မှတ်ပုံတင် အချက်အလက်စသည်၏ကာယကံရှင်ထံမှ သဘောတူညီချက် ရရှိသည့်အခါ

(4)     ကော်ပိုရေးရှင်းစသည် သို့မဟုတ် အသုံးပြုသူမှ အလိုရှိသည့် ဝန်ဆောင်မှုကို ပေးဆောင်ရန်အတွက် မှတ်ပုံတင်အချက်အလက်ကို ထုတ်ဖော်ရန်နှင့် အသုံးပြုရန် လိုအပ်သည်ဟု ယူဆသည့်အခါ

(5)     ကော်ပိုရေးရှင်းစသည် သို့မဟုတ် အသုံးပြုသူမှ အလိုရှိသည့် ဝန်ဆောင်မှုကို ပေးဆောင်ရန် ရည်ရွယ်ချက်ဖြင့် မိတ်ဖက်ကုမ္ပဏီများနှင့် ပြင်ပအဖွဲ့အစည်းသည်မှတ်ပုံတင်အချက်အလက် စသည်တို့ကို လိုအပ်သည့်အခါ (တစ်ဖန် သက်ဆိုင်သည့်မိတ်ဖက်ကုမ္ပဏီ၏ ပြင်ပအဖွဲ့အစည်းသည် ASSC မှ ပံ့ပိုးပေးထားသည့် မှတ်ပုံတင်အချက်အလက်စသည်အား ဝန်ဆောင်မှုပေးရန်အတွက် လိုအပ်သည့် အတိုင်းအတာထက် ကျော်လွန်၍ အသုံးမပြုနိုင်ပါ။)

(6)     ဥပဒေကို အခြေခံသည့်အခါ

(7)     ASSC၊ ကော်ပိုရေးရှင်းစသည်၊ အသုံးပြုသူများ သို့မဟုတ် အပြင်ပအဖွဲ့အစည်းများ၏ ဘဝ၊ ကိုယ်ခန္ဓာ သို့မဟုတ်ပစ္စည်းဥစ္စာ သို့မဟုတ် ASSC မှ ပံ့ပိုးသည့် ဝန်ဆောင်မှုကို ကာကွယ်ရန် လိုအပ်သည့် အခါ

(8)     ပြည်သူ့ကျန်းမာရေးကို မြှင့်တင်ရန် သို့မဟုတ် ကလေးများ၏ ကျန်းမာဖွံ့ဖြိုးမှုကို မြှင့်တင်ရန်အတွက် အထူးလိုအပ်သည့်အခါ

(9)     အမျိုးသားအေဂျင်စီ သို့မဟုတ် ဒေသန္တရအစိုးရ၊ သို့မဟုတ် ထိုအပ်နှင်းမှုကိုလက်ခံထားသည့်သူက ဥပဒေအရ သတ်မှတ်ထားသည့်ကိစ္စများကို လုပ်ဆောင်ရာတွင် ပူးပေါင်းဆောင်ရွက်ရန် လိုအပ်သည့် အခါ၊ ယင်းပုဂ္ဂိုလ်များထံမှတရားဝင် ထုတ်ဖော်ခွင့်တောင်းခံလာသည့်အခါ

 

6.   ဒေတာလွှဲပြောင်းခြင်း

ASSC သည် ဂျပန်နိုင်ငံမှလွဲ၍ အခြားနိုင်ငံတစ်ခုတွင် ကိုယ်ရေးကိုယ်တာအချက်အလက်များကို ရယူပါက၊ ၎င်းအား ဥပဒေပါပြဋ္ဌာန်းချက်များနှင့်အညီ လိုအပ်သည့်ဆောင်ရွက်မှုများ ပြုလုပ်ပြီးနောက် ၎င်းကို ဂျပန်နိုင်ငံရှိ ASSC ရုံးသို့ လွှဲပြောင်းပေးမည်ဖြစ်သည်။

 

7.   ကိုယ်ရေးကိုယ်တာအချက်အလက်စီမံခန့်ခွဲမှု

(1)       ဒေတာအကြောင်းအရာ၏ တိကျမှုကို သေချာစေခြင်း

ASSC သည် ကိုယ်ရေးကိုယ်တာအချက်အလက်ကို အသုံးပြုခြင်းရည်ရွယ်ချက် ဖြစ်မြောက်စေရန် လိုအပ်သည့်အတိုင်းအတာတွင် တိကျမှန်ကန်ပြီး နောက်ဆုံးအနေအထားအကြောင်းအရာများကို ထိန်းသိမ်းထားမည်။ထို့အတူအသုံးပြုရန်မလိုအပ်တော့သည့်အခါ ကိုယ်ရေးကိုယ်တာဒေတာများ ကို  ဖျက်ပစ်မည် ဖြစ်သည်။

(2)       ဘေးကင်းရေးစီမံခန့်ခွဲမှုအစီအမံများ

ASSC သည် အောက်တွင် ဖော်ပြထားသည့်အတိုင်း ကိုယ်ရေးကိုယ်တာအချက်အလက်များ ပေါက်ကြားမှု၊ ဆုံးရှုံးမှု သို့မဟုတ် ပျက်စီးမှုတို့ကို ကာကွယ်ရန်၊ အခြားသော ထိန်းသိမ်းရန်အတွက် လိုအပ်ပြီးသင့်လျော်သည့် အစီအမံများကို လုပ်ဆောင်မည်ဖြစ်သည်။ ASSC မှ ဆောင်ရွက်သော ဘေးကင်းရေး စီမံခန့်ခွဲမှု အစီအမံများဆိုင်ရာ အသေးစိတ်အချက်အလက်များ အတွက် အပိုဒ် 11 ရှိ "စုံစမ်းမေးမြန်းခြင်းနှင့် တိုင်ကြားမှု ကိုင်တွယ်ဖြေရှင်းရေးဌာန" သို့ ဆက်သွယ်ပါ။

①    အင်တာနက်ပတ်ဝန်းကျင်သည် 100% လုံခြုံမှုမရှိသော်လည်း၊ ASSC သည် အသုံးပြုသူများထံမှ ASSC သို့ပေးပို့သော ကိုယ်ရေးကိုယ်တာဒေတာလုံခြုံရေးကို သေချာစေရန် ကြိုးပမ်းပါမည်။ ကျွန်ုပ်တို့၏ကုမ္ပဏီသည် အသုံးပြုသူများမှ ASSC ထံ တင်ပြထားသည့် ကိုယ်ရေးကိုယ်တာ အချက်အလက်များ၏ ဘေးကင်းမှုကို သေချာစေရန်အတွက်၊ (i) ကိုယ်ရေးကိုယ်တာ အချက်အလက်များကို ကိုင်တွယ်နိုင်သည့် စက်ပစ္စည်းများနှင့် စက်ကိရိယာများကို ကိုင်တွယ်သည့် ဝန်ထမ်းများကို ပွင့်လင်းမြင်သာစေပြီး ကိုယ်ရေးကိုယ်တာအချက်အလက်များသို့ မလိုအပ်ဘဲ ဝင်ရောက်ခွင့်ကို တားဆီးထားပါသည်။ (ⅱ) စက်ကိရိယာများနှင့်အတူ စံချိန်စံညွှန်းပါရှိသည့် အသုံးပြုသူထိန်းချုပ်မှုလုပ်ဆောင်ချက် (အသုံးပြုသူအကောင့် ထိန်းချုပ်မှု) ဖြင့် ကိုယ်ရေးကိုယ်တာအချက်အလက်ဒေတာဘေ့စ်များကို ကိုင်တွယ်သည့် ဝန်ထမ်းအား ခွဲခြားခြင်း/သက်သေထူခြင်းကို လုပ်ဆောင်ပါသည်။ (iii) ကိုယ်ရေးကိုယ်တာအချက်အလက်ကို ကိုင်တွယ်သည့် စက်ပစ္စည်းများကို နောက်ဆုံးအနေအထားတွင် ထိန်းသိမ်းထားပါသည်။ (ⅳ) ကိုယ်ရေးကိုယ်တာအချက်အလက်များကို ကိုင်တွယ်သည့် စက်ပစ္စည်းများကို လုံခြုံရေးအစီအမံ ဆော့ဖ်ဝဲစသည်တို့ကို ထည့်သွင်းဖြင့် အလိုအလျောက် updateလုပ်ဆောင်စေပြီး ထိုအရာများကို နောက်ဆုံးပေါ်အနေအထားတွင် ထားရှိပါသည်။ (v) အီးမေးလ်စသည်ဖြင့် ကိုယ်ရေးကိုယ်တာဒေတာများပါရှိသည့် ဖိုင်တစ်ခုကို ပေးပို့သည့်အခါ ဖိုင်အတွက် စကားဝှက်သတ်မှတ်ခြင်းကဲ့သို့သော အစီအမံများကို ဆောင်ရွက်ပါသည်။

②    ASSC ၏ ရုပ်ပိုင်းဆိုင်ရာ၊ နည်းပညာဆိုင်ရာ သို့မဟုတ် စီမံခန့်ခွဲရေးဆိုင်ရာ အကာအကွယ်များကို ချိုးဖောက်ခံရပြီး ကိုယ်ရေးကိုယ်တာအချက်အလက်များအား ခွင့်ပြုချက်မရှိဘဲ ဝင်ရောက် ကြည့်ရှုခံရခြင်း/ထုတ်ဖော်ခြင်းခံရခြင်း၊ပြောင်းလဲခံရခြင်း သို့မဟုတ် ဖျက်ဆီးခံရခြင်းများကြောင့် အသုံးပြုသူတွင် သက်ဆိုင်သည့် ဥပဒေများအရ ဆုံးရှုံးမှုများဖြစ်ပေါ်သည့်အခါ ASSC သည် တည်ဆဲဥပဒေများနှင့်အညီ တရားဝင် တာဝန်ယူမည်။

③    ကိုယ်ရေးကိုယ်တာအချက်အလက်များ ပေါက်ကြားခြင်း၊ ဆုံးရှုံးခြင်းသို့မဟုတ်ပျက်စီးခြင်း ဖြစ်ရပ် (နောက်တွင် "ကိုယ်ရေးကိုယ်တာအချက်အလက် လုံခြုံရေးဖြစ်ရပ်"ဟု ဖော်ပြမည်။) ဖြစ်ပေါ်သည့်အခါတွင် ASSC သည် တည်ဆဲ ဥပဒေများနှင့်အညီ သက်ဆိုင်သည့် ကိုယ်ရေးကိုယ်တာအချက်အလက်၏ကာယကံရှင်ဖြစ်သည့်အသုံးပြုသူထံ နှောင့်နှေးခြင်းမရှိဘဲ ကိုယ်ရေးကိုယ်တာလုံခြုံရေးဖြစ်ရပ်၏ အခြေခံအခြေအနေ နှင့် ဖြစ်နိုင်ချေရှိသည့်သက်ရောက်မှု၊ ASSC မှ လုပ်ဆောင်ထားပြီးဖြစ်သည့် သို့မဟုတ် လုပ်ဆောင်ရန် စီစဉ်နေသည့် အစီအမံများ၊ အသုံးပြုသူကာယကံရှင်ကိုယ်တိုင်၏ ကာကွယ်မှုနှင့် အန္တရာယ်လျှော့ချမှုအတွက် အဆိုပြုချက် နှင့် အသုံးပြုသူအတွက် အရေးပေါ်အစီအမံများကို အသိပေးပါမည်။ ASSC သည် အီးမေးလ်၊ စာ၊ တယ်လီဖုန်းစသည်ဖြင့် နှောင့်နှေးမှုမရှိဘဲ ကိုယ်ရေးကိုယ်တာအချက်အလက် လုံခြုံရေးဖြစ်ရပ် အခြေအနေကို သက်ဆိုင်ရာအသုံးပြုသူထံ အကြောင်းကြားမည်။အသုံးပြုသူတစ်ဦးချင်းစီကို အကြောင်းကြားရန် ခက်ခဲပါက ASSC သည် ကျိုးကြောင်းဆီလျော်ပြီး ထိရောက်သည့်နည်းလမ်း ဖြင့် အများသူငှာ အသိပေးခြင်း ပြုလုပ်နိုင်သည်။ ထို့အပြင် ASSC သည် တည်ဆဲဥပဒေများနှင့် အစိုးရအာဏာပိုင်များထံမှ တောင်းဆိုချက်များနှင့်အညီ ကိုယ်ရေးကိုယ်တာအချက်အလက်များ လုံခြုံရေးဆိုင်ရာ အဖြစ်အပျက်များကို ကိုင်တွယ်သည့် အခြေအနေများကိုလည်း အစီရင်ခံမည်။

(3)       ဝန်ထမ်းများ၏ကြီးကြပ်မှု

ASSC သည် ကိုယ်ရေးကိုယ်တာအချက်အလက်များအား ဝန်ထမ်းများ ကိုင်တွယ်ဆောင်ရွက်သည့် အခါ ကိုယ်ရေးကိုယ်တာအချက်အလက်များကို မှန်ကန်စွာကိုင်တွယ်ခြင်းအားအသိပေးခြင်းကို အသေးစိတ်လုပ်ဆောင်ခြင်းနှင့်အတူ သင့်လျော်သည့်သင်တန်းပေးခြင်း၊လိုအပ်ပြီးလျော်ညီသည့် ကြီးကြပ်မှု ကို လုပ်ဆောင်မည်။

(4)       အပ်နှင်းသည့် ကန်ထရိုက်တာများ၏ ကြီးကြပ်မှု

ASSC သည် ကိုယ်ရေးကိုယ်တာအချက်အလက်များကို ကိုင်တွယ်ခြင်းအား ပြင်ပထံ အပ်နှင်းသည့် အခါ သင့်လျော်သည့် ဘေးကင်းရေး စီမံခန့်ခွဲမှု အစီအမံများကို ဆောင်ရွက်ပြီးကန်ထရိုက်တာများကို ရွေးချယ်ဆုံးဖြတ်မည်။ ကန်ထရိုက်တာများအား လိုအပ်ပြီးလျော်ညီ ကြီးကြပ်မှုကို ဆောင်ရွက်မည်။

(5)       အခြေခံအားဖြင့် အသုံးပြုသူသည် နိုင်ငံခြားတိုင်းပြည်တွင် ရှိနေသော်လည်း ASSC သည် ဂျပန်နိုင်ငံ တွင် ကိုယ်ရေးကိုယ်တာ အချက်အလက်များကို စုဆောင်း၊ သိမ်းဆည်းပြီး အရန်ကိုသိမ်းဆည်းမည်။

 

8.   ထုတ်ဖော်မှုစသည် တောင်းဆိုခြင်း

ASSC သည် အောက်တွင် ဖော်ပြထားသည့်အတိုင်း အသုံးပြုခြင်းရည်ရွယ်ချက်အား အသိပေးခြင်း၊ ထိန်းသိမ်းထားသည့် ကိုယ်ရေးကိုယ်တာအချက်အလက် သို့မဟုတ် ပြင်ပအဖွဲ့အစည်းထံ တင်ပြထားသည့် အချက်အလက်အား ထုတ်ဖော်ခြင်း၊ ပြုပြင်ခြင်း၊ ထပ်တိုးခြင်း /ဖျက်ခြင်း၊ အသုံးပြုခြင်းအား ဆိုင်းငံ့ခြင်း/ ပြင်ပအဖွဲ့အစည်းများအား တင်ပြခြင်းကို ဆိုင်းငံ့ရန် တောင်းဆိုခြင်း (နောက်တွင် "ထုတ်ဖော်မှုစသည် တောင်းဆိုခြင်း"ဟု ဖော်ပြမည်။)အား လက်ခံမည်။

(1)       အသုံးပြုသူ သို့မဟုတ် ကိုယ်စားတစ်ဦးမှ သိမ်းဆည်းထားသည့် ကိုယ်ရေးကိုယ်တာဒေတာကို အသုံးပြုရန်ရည်ရွယ်ချက် သို့မဟုတ် သိမ်းဆည်းထားသည့်အချက်အလက် သို့မဟုတ်  ပြင်ပအဖွဲ့ အစည်းထံ တင်ပြထားသည့် မှတ်တမ်းများကို ထုတ်ဖော်ရန် တောင်းဆိုပါက အောက်ပါအချက်များ အပါအဝင်သာမကသက်ဆိုင်ရာ ဥပဒေများအရ ထုတ်ဖော်ပြရန်မလိုအပ်ဟု ယူဆသည့်အချိန်မှလွဲ၍ အချက်အလက်ကို နှောင့်နှေးမှုမရှိဘဲ ထုတ်ဖော်ပါမည်။သို့ရာတွင် အောက်ပါကိစ္စရပ်များတွင်လည်း တည်ဆဲဥပဒေများအရ ထိုသို့လုပ်ဆောင်ရန် လိုအပ်ပါက ထုတ်ဖော်ပါမည်။

       

က   ထုတ်ဖော်ခြင်းဖြင့် အသုံးပြုသူ သို့မဟုတ် ပြင်ပအဖွဲ့အစည်း၏ အသက်၊ ခန္ဓာကိုယ်၊ ပစ္စည်းဥစ္စာ အခြားအခွင့်အရေးနှင့် အကျိုးစီးပွားများကို ထိခိုက်နိုင်ခြေရှိသည့်အခါ

ခ     ထုတ်ဖော်ခြင်းဖြင့် ASSC ၏အခွင့်အရေးများ သို့မဟုတ် တရားဝင်အကျိုးစီးပွားများကို ထိခိုက်နိုင်ခြေရှိသည့်အခါ

ဂ     ထုတ်ဖော်ခြင်းဖြင့် ASSC ၏ လုပ်ငန်းကို မှန်ကန်စွာအကောင်အထည်ဖော်ခြင်းအား သိသာထင်ရှားစွာ အဟန့်အတားဖြစ်စေသည့်အခါ

ဃ   ထုတ်ဖော်ခြင်းဖြင့် ဥပဒေနှင့် စည်းကမ်းများကို ဖောက်ဖျက်ကျူးလွန်သည့်အခါ

င     ထုတ်ဖော်ရန် တောင်းဆိုမှုသည် အသုံးပြုသူကိုယ်တိုင်ဖြစ်ကြောင်း အတည်မပြုနိုင်သည့်အခါ

(2)       အသုံးပြုသူ သို့မဟုတ် ကိုယ်စားလှယ်သည် ထိန်းသိမ်းထားသည့် ကိုယ်ရေးကိုယ်တာဒေတာ အား ပြုပြင်ခြင်း၊ ထပ်တိုးခြင်း၊ ဖျက်ခြင်းကို တောင်းဆိုပါက ကျွန်ုပ်တို့သည် နှောင့်နှေးခြင်းမရှိဘဲ စုံစမ်းစစ်ဆေးမည်ဖြစ်ပြီး၊ ရလဒ်များအပေါ် အခြေခံ၍ ကိုယ်ရေးကိုယ်တာအချက်အလက် ကာကွယ်ရေးအက်ဥပဒေ နှင့် အခြားတည်ဆဲဥပဒေများမှ ခွင့်ပြုထားသည့် အတိုင်းအတာအထိ သက်ဆိုင်ရာ သိမ်းဆည်းထားသည့် ကိုယ်ရေးကိုယ်တာ အချက်အလက်များသို့ ပြုပြင်ခြင်း/ ထပ်တိုးခြင်း/ဖျက်ခြင်းကို ပြုလုပ်မည်။

(3)       အသုံးပြုသူ သို့မဟုတ် ကိုယ်စားလှယ်ထံမှ သိမ်းဆည်းထားသည့် ကိုယ်ရေးကိုယ်တာဒေတာ၏ အသုံးပြုမှုကို ဆိုင်ငံ့ခြင်း၊ သုံးစွဲရာတွင်ကန့်သတ်ခြင်း သို့မဟုတ် ပြင်ပအဖွဲ့အစည်းထံ တင်ပြမှုတွင် ဆိုင်းငံ့ရန်တောင်းဆိုသည့်အခါ ၎င်းတောင်းဆိုမှုအတွက် အကြောင်းပြချက်ရှိသည်ဟု ဆုံးဖြတ်ပါက ကိုယ်ရေးကိုယ်တာအချက်အလက်များ ကာကွယ်ရေးဥပဒေများနှင့်အခြားသော တည်ဆဲဥပဒေများ အရ လိုက်နာဆောင်ရွက်သွားမည်။

(4)       အသုံးပြုသူ သို့မဟုတ် ကိုယ်စားလှယ်ထံမှ သိမ်းဆည်းထားသည့် ကိုယ်ရေးကိုယ်တာဒေတာကို ဖွဲ့စည်းတည်ဆောက်ပြီး၊ ပုံမှန်အသုံးပြုခြင်း၊ သို့မဟုတ် စက်ဖြင့်ဖတ်နိုင်သည့်ပုံစံဖြင့် လက်ခံရရှိရန် တောင်းဆိုသည့်အခါ သင့်တော်သည့် လုပ်ဆောင်မှုကို ဆောင်ရွက်မည်။ ထို့အပြင် အသုံးပြုသူ သို့မဟုတ် ကိုယ်စားလှယ်သည် ကိုက်ညီသည့်ဒေတာများကို ASSC ၏ အတားအဆီးမရှိဘဲ အခြားထိန်းချုပ်ကိရိယာသို့ လွှဲပြောင်းပိုင်ခွင့်ရှိသည်။

(5)       ASSC မှသိမ်းဆည်းထားသည့် ကိုယ်ရေးကိုယ်တာအချက်အလက်အတွက် ဤဆောင်းပါး၏ ကဏ္ဍတစ်ခုစီတွင် ဖော်ပြထားသည့်အတိုင်း တောင်းဆိုမှုများရှိပါက အပိုဒ်11ရှိ "စုံစမ်းမေးမြန်းခြင်း နှင့်တိုင်ကြားမှုကိုင်တွယ်ဖြေရှင်းရေးဌာန" သို့ဆက်သွယ်ပါ။တောင်းဆိုချက်များကို ASSC အတွင်း၌ မျှဝေပြီး လျော်ညီစွာ ကိုင်တွယ်သွားမည်။ တင်ပြထားသည့် ကိုယ်ရေးကိုယ်တာ အချက်အလက်များ ကို အသုံးပြုသူများထံမှ တောင်းဆိုချက်အား တုံ့ပြန်ရန်အတွက် အသုံးပြုမည်ဖြစ်ပြီး တင်းကြပ်စွာ လျှို့ဝှက်ထားမည်။ တောင်းခံလွှာများနှင့် ကာယကံရှင် အထောက်အထား စိစစ်ရေးစာရွက်စာတမ်း ကဲ့သို့သော ပူးတွဲပါစာရွက်စာတမ်းများကို ပြန်လည်ပေးအပ်မည် မဟုတ်ကြောင်း သတိပြုပါ။

 

9.       အမည်ဝှက်ဖြင့် ဆောင်ရွက်ထားသည့် အချက်အလက်များကို ကိုင်တွယ်ခြင်း။

ASSC သည် တည်ဆဲဥပဒေများမှ ခွင့်ပြုထားသည့် နယ်ပယ်အတွင်း သင့်လျော်သည့် ဥပ‌ဒေကို အခြေခံကာ တစ်ဦးချင်းအားခွဲခြမ်းစိတ်ဖြာခြင်း နှင့် ကိုယ်ရေးကိုယ်တာအချက်အလက်များအား ပြန်လည် မဖော်ထုတ်နိုင်သည့်နည်းလမ်းဖြင့် လုပ်ဆောင်ထားသည့် အမည်ဝှက် အချက်အလက်များကို ခွဲခြမ်းခြင်း/ သုံးသပ်ခြင်း/စစ်ဆေးခြင်းစသည်တို့ကို လုပ်ဆောင်မည်။ထို့အတူ ကျွန်ုပ်တို့၏ လုပ်ငန်းဆောင်ရွက်မှု အတွက် လိုအပ်သည့်အတိုင်းအတာအထိ အချက်အလက်သည် အမည်ဝှက်ဖြင့် လုပ်ဆောင်ထားသည့် အချက်အလက်ဖြစ်ကြောင်း ရှင်းလင်းစွာဖော်ပြပြီးနောက် ကျွန်ုပ်တို့သည်ဤအချက်အလက်များ ကို ပြင်ပအဖွဲ့အစည်းများထံ တင်ပြသည့်အခါရှိပါသည်။ ထို့အပြင် တင်ပြထားသည့် အမည်ဝှက် အချက်အလက်များတွင် ပါဝင်သည့် ကိုယ်ရေးကိုယ်တာ အချက်အလက်နှင့် ပတ်သက်သည့်အချက်များ နှင့် အမည်ဝှက် အချက်အလက် တင်ပြသည့် နည်းလမ်းများမှာ အောက်ပါအတိုင်း ဖြစ်သည်။

(1)         ဖန်တီးထားသည့်အမည်ဝှက် အချက်အလက်

・လိင်၊ အသက် စသည့်အချက်အလက်

・ဆွေးနွေးမှု၏ အကြောင်းအရာနှင့် ပတ်သက်သည့် အချက်အလက်

(2)         ပြင်ပအဖွဲ့အစည်းများသို့ တင်ပြထားသည့် အမည်ဝှက်ထားသည့် အချက်အလက်

(i)          တစ်ဦးချင်းစီနှင့် ပတ်သက်သည့် အချက်အလက်များ

・လိင်၊ အသက် စသည့်အချက်အလက်

・ဆွေးနွေးမှု၏ အကြောင်းအရာနှင့် ပတ်သက်သည့် အချက်အလက်

(ii)         အမည်ဝှက်ထားသည့် အချက်အလက်များ တင်ပြနည်း

・ သင့်လျော်သည့်ဝင်ရောက်ခွင့်စီမံခန့်ခွဲမှုဖြင့် ဆာဗာသို့ uploadလုပ်ခြင်း၊ အီးမေးလ်ဖြင့်ပေးပို့ ခြင်း သို့မဟုတ် USB ကဲ့သို့သော ပြင်ပသိုလှောင်မှုမီဒီယာထံ ပေးပို့ခြင်း

 

10.     ကိုယ်ရေးကိုယ်တာအချက်အလက်ကို ထိန်းသိမ်းသည့်ကာလ

ASSC သည် ဤစာချုပ်က အသက်ဝင်နေသည့်ကာလတွင် ကိုယ်ရေးကိုယ်တာအချက်အလက်များကို ထိန်းသိမ်းထားမည်ဖြစ်သည်။ထို့အပြင် မလိုအပ်တော့သည့် ကိုယ်ရေးကိုယ်တာဒေတာများကို ကြိုတင် သို့မဟုတ် နောက်ဆက်တွဲသဘောတူညီချက်မရယူဘဲ ဖျက်ပစ်မည် သို့မဟုတ် ဖယ်ရှားဖြစ်မည်ဖြစ်သည်။ ASSC သည် လုံခြုံရေးနှင့် လိမ်လည်မှု ကာကွယ်ရေး ရည်ရွယ်ချက်များအတွက် လိုအပ်သလို အချို့သော အသုံးပြုသူများ၏ ကိုယ်ရေးကိုယ်တာဒေတာကို သိမ်းဆည်းထားနိုင်သည်။

 

11.     စုံစမ်းမေးမြန်းခြင်းနှင့် တိုင်ကြားမှု ကိုင်တွယ်ဖြေရှင်းရေးဌာန

The Global Alliance for Sustainable Supply Chain ASSC Workers Voice (AWV) စီမံခန့်ခွဲရေးရုံး

〒141-0032

Estage Osaki Building 6th floor၊ ၊ 3-5-2 Osaki၊ Shinagawa-ku၊ Tokyo

TEL - 050-6875-4342 (ကိုယ်စားလှယ်)

တယ်လီဖုန်း ဧည့်ခံချိန် - 9:00 မှ 17:00 ထိ

(စနေ၊ တနင်္ဂနွေ၊ အစိုးရရုံးပိတ်ရက်များနှင့် ကျွန်ုပ်တို့၏ ကုမ္ပဏီရုံးပိတ်ရက်များ မပါဝင်)

E-mail:AWV_Office@g-assc.org

 

ကျွန်ုပ်တို့ကုမ္ပဏီသည် ပုံမှန်အားဖြင့် ရက် 30 အတွင်း အကြောင်းပြန်ပါသည်။ ရက်ပေါင်း 30 အတွင်း ကျွန်ုပ်တို့ အကြောင်းမပြန်ပါက အကြောင်းပြန်မည့်အချိန်ကို သီးခြား အသိပေးပါမည်။

 

12.     ကိုယ်ရေးကိုယ်တာမူဝါဒကို ပြန်လည်ပြင်ဆင်ခြင်း

ASSC သည် ဤမူဝါဒ၏ အကြောင်းအရာများကို အခါအားလျော်စွာ ပြန်လည်သုံးသပ်နိုင်ပြီး လိုအပ်သလို အပြောင်းအလဲများ ပြုလုပ်နိုင်ပါသည်။ ပြောင်းလဲသည့်အခါတွင် ASSC ဝက်ဘ်ဆိုဒ်တွင် ဖော်ပြပါမည်။ ထိုအခြေအနေမျိုးတွင် ပြန်လည်ပြင်ဆင်ထားသည့် ဗားရှင်းကို ‌ဖော်ပြတင်သည့်ရက် သို့မဟုတ် သက်ဆိုင်သည့် ဖော်ပြခြင်းအား သီးခြားအသေးစိတ်ပြဋ္ဌာန်းသည့် အကျိုးသက်ရောက်မည့် ရက်မှစ၍ ပြောင်းလဲထားသည့် ကိုယ်ရေးကိုယ်တာမူဝါဒသည် အကျိုးသက်ရောက်မည်။ အောက်ပါ ဖော်ပြချက်များ သာမက ကြီးမားသည့် အပြောင်းအလဲဖြစ်သည့်အခါ ASSC သည် ပိုမိုထင်ရှားအောင် သတိပေးမည်။

(1)    ကိုယ်ရေးကိုယ်တာဒေတာအသုံးပြုမှု၏ရည်ရွယ်ချက်၊ အသုံးပြုခြင်းနည်းလမ်းတွင် သိသာထင်ရှား သည့် ပြောင်းလဲမှုများ ဖြစ်ပေါ်သည့်အခါ

(2)    လုပ်ငန်းချိန်ညှိမှု၊ ဒေဝါလီခံမှု၊ ပေါင်းစည်းမှု၊ ဝယ်ယူခံရမှုကြောင့် ကိုယ်ရေးကိုယ်တာအချက်အလက် ၏ ပိုင်ဆိုင်မှုပြောင်းလဲမှု ကဲ့သို့သော ကိုယ်ရေးကိုယ်တာအချက်အလက် ပိုင်ဆိုင်မှုပုံစံ၊ အဖွဲ့အစည်း ဖွဲ့စည်းပုံတွင် သိသာထင်ရှားသည့် အပြောင်းအလဲတစ်ခု ဖြစ်ပေါ်သည့်အခါ

(3)    ကိုယ်ရေးကိုယ်တာအချက်အလက်များကို မျှဝေခြင်း၊ လွှဲပြောင်းခြင်း သို့မဟုတ် ထုတ်ဖော်ခြင်း၊ ထုတ်ဖော်ခြင်းဆိုင်ရာ အကြောင်းအရာ ပြောင်းလဲမှုရှိသည့်အခါ

(4)    အသုံးပြုသူ၏ ကိုယ်ရေးကိုယ်တာ အချက်အလက် နှင့် ပတ်သက်သည့် အခွင့်အရေး သို့မဟုတ် လုပ်ဆောင်သည့်နည်းလမ်းတွင် သိသာထင်ရှားသည့် ပြောင်းလဲမှုဖြစ်ပေါ်သည့်အခါ

 

 

ဖန်တီးခြင်း ဇူလိုင်လ၊ 3 ရက်၊ 2020 ခုနှစ်
မွမ်းမံခြင်း ဧပြီလ၊ 15 ရက်၊ 2024 ခုနှစ်